منار بكتمر
كل اللي سمعوا أنو أوتستراد حرستا بعد سنوات من الإنقطاع عن العمل رجع وإنفتح بعد ما غادر الإرهاب المنطقة برمتها فرحوا ، وأكتر ناس فرحت بها الموضوع هنه سكان ضاحية الأسد اللي بنفس الوقت هنه أكتر ناس عانت من إرهاب الشباب الطيبة ومابدنا ندخل بتفاصيل ، هلق الصبح بتطلع من بيتك وبتنزل من الأوتستراد وأنت عم تشوف كمية الشغل الجبار اللي عم تقوم فيه الدولة مشكورة وماحدا بيقلك لا ممنوع سلوك الطريق ولاحدا بيقالشك .
الضهر وإنت راجع وصرنا شايفينا أكتر من مرة شباب حاجز سيرونيكس بيقطعوا الطريق على مزاجون . مدري إلون تار مع أهل الضاحية . مدري شكلك ما بيعجبون .
ما عم نعرف شو القصة ؟
لأنو بيسألك لوين : بتقلو عالضاحية بيقلك لف ورجاع وغيرك بيمر وبسلاسه ، أنو شو مشكلتكون مع أهل الضاحية بدنا نعرف ولا الطريق بيفتح وبيسكر على مزاجيتكون يا حبايب قلبي ، مبارح تحديداً رجعوا نص العالم اللي كانت طالعة على قولة لف ورجاع .
والطريق شغال وسالك وعملنا إتصالاتنا بالناس اللي مريت منو .
يا حبايب قلبي هدول أهل الضاحية لو بتعرف إنت وياه شو مقدمين وشو معانين بها الكم سنه ما كانت أمك جابتك من الرعبة .
هدول يا مرحوم البيي أكتر ناس قدمو شهدا .
وهدول أكتر ناس عانت وتحاصرت .
هدول كانو يعدو قذائف الهاون وقت اللي إنت كنت تقرا سقوط الهاون خبر .
هدول إنقطعوا من الخبز . إنقطعوا من المي . من الكهربا . كانو يناموا بالكريدورات . كانو مايلاقو سيارة إسعاف تسعف المتصاوبين .
( عرفت مين أهل الضاحية يا تبع اللف ورجاع )
