بقلم : منار بكتمر
/ الميني أخلاق / كلمة تم إختراعها من قبلي وهي تصف الأشخاص والشعوب التي تنعدم لديها الأخلاق ، وبالأخلاق تسمو اشعوب ومن دونها تتساوى بالحيوانات وربما تطغى وترتقي الحيوانات إلى درجة أعلى من تلك الشعوب في غالب الأحيان .
هلئ كل هالمقدمة سردتا كوني فهمت كل شي بها البلد إلا شغلة جديدة مريت على راسي أو بالأحرى مريت من جمب راسي . هي الشغلة يا جماعة هي علبة أو مغلف ( البيتزا ) وهو مغلف دائري تتموضع بداخلة البيتزا فا يبدو أنو جيراني بالطوابق العلوية بالبناية هم من جماعة ( الميني أخلاق ) أو من جماعة سكان الخيم، وشاء القدر أنو يسكنو بالإختراع اللي أسمو بناية فا كانت صدمة بالنسبة إلون وبنفس الوقت صدمة كمان إلنا .
فا هؤلاء البني أدمين إذا قدرنا نطلق عليهون هاللقب لديهم قدرة عالية بموضوع الشلف .
يعني كل شي متوقع أنو ينزل على جنينتك من قبل هؤلاء اصحاب ( الميني أخلاق ) والأمثلة كا لتالي : فحم أركيلة – ألبسة بكافة المقاسات – بطانيات – كرات – مغلف بيتزا فارغ طبعاً – بطاريات – محارم بأنواعا – أكياس شبيس – ألعاب اطفال – قصص نسائية أخجل من توصيفا –
كل هذه المواد تجدونها في حديقتنا وبأرخص الأسعار .
أنو هدول بشرفكون ناس خرج تسكن بنايه ولا خيمة بالصحرا كتير وكتير عليهون .؟
وبيني وبينكون سكان الخيمة يحملون من الرقي والأخلاق الحميدة والشرف أكثر من هؤلاء بالكثير والكثير .
