حتى العيد ما خليتوا فيه بهجة

منار بكتمر

كان صفيان من ما يسمى من العيد هالشوية فرح البقيانة للأطفال رحتو سرقتوها من عيونون متل ما بتسرقوا الكحل ، الله يقويكون .
أنا ماني متشائم على بكرة صبح هالعيد ولا لي شايف بمنامي غراب البين لاسمح الله !
أنا عم بحكي واقع صرلو سبع سنوات عجاف .
حكومة تدعي أنها حكومة ( حرب وأزمة ) بتطرق الشعب المعتر عطلة مجلجلة ( 9) أيام وما بتسال حالها كيف هالمعترين بدون يقضوا هالعيد من دون مصاري وكيف بدون يأمنو حاجيات ما يسمى بالعيد ( هادا إذا خليتو فيها عيد ) أنتو يا حلوين .
الطفل البريئ يلي غضب عليه الله وما يقدروا أهلو يطفشو ويهجو من هالبلد شو ذنبوا يقضي العيد مشحتف لأنو أبو ما قبض لاعيدية ولا راتب يقدر يكسيه للمعتر …؟

كيف بدك تفهمو لها الكائن الصغير والبريئ هالمعادلة اللي ما بيقدر ( فرويد ) يحلا ؟

في حدا بيقدر يجاوبنا من حكومة التسع أيام عطلة ؟

ولا بس المهم نعمل عطلة ونجدبا على تسطيلة !
مبارح يلي هو يوم الوقفة في منظر عملي أزمة أقذر من الأزمة تبع السبع سنوات اللي مرينا فيها .
( أب بيدخل على محل عصير وسلطات معو ولدين وزوجتو بيسأل على سعر صحن السلطة فا بيتفاجئ أنو سعر الصحن 3000 ل س فا بنسحب إنسحاب تكتيكي من المحل وأنا سمعانو عم يخبر زوجتو أنو مارح أقدر اشتريلون والولاد شم ولا تدوق ) .

أنو يالله لو ين بدكون توصلو فينا بها البلد يا حكومة التسع أيام عطلة ؟

عيد بلا مصاري كيف رح يكون برأيكون سعيد ولا مبارك ولا قميئ ؟
الله يكون مع هالشعب المعتر وعيدكم مابعرف شو .