شاركت ريما الرحباني، ابنة السيدة فيروز ومديرة أعمالها، منشورًا عبر حسابها الشخصي على فايسبوك، انتقدت من خلاله الفنانين الذين يغنون لفيروز، واستعانت بالمطرب جورج وسوف الذي قال إنه لا يجرء على الغناء لها، وكتبت ريما: “لفتتني جملة كتير مهمّة مؤلّفة من سِتْ كلمات فقط بمطلع هالسنة قالها جورج وسوف ومرقت مرور الكرام طبعاً لأن ما إلتقى حدا من المحاورين السبعة الكرام يسمعا أو يعلّق عليها….جورج وسوف سلطان الطرب قال حرفيّاً “انا ما بتجرأ غنّي للست فيروز”. الحقيقة مش مهم حدا يسمعها بِقَدْر ما كان كتير مهم هالفنانين الزغار والكبار يسمعوها لعلَّ وعسى يتعلّموا من سلطان الطرب. يعني عدا عن إنّهن عم يخِلّوا بالحقوق.. ما بعرف منين عم بيجيبوا كل هالتواضع بإنّهن ع شوي، يتركوا أغانيهن الخاصة، إنْ وُجِدَت، وما يغنّوا إلا لفيروز.”. وختمت قائلة “تحيّة تقدير ومحبّة للكبير جورج وسوف.”.
وانقسمت الآراء بين من وافق ريما على ما قالته وبين من اعترض معتبرًا، أن فن السيدة فيروز للجميع وبامكان من يحبها أن يغني لها.
